من رسايل تليجرام عن تحرش الأطباء: (شهادة 2)
لفت نظري التعليق عن كلمة دكتور العيلة، انا صيدلي وهحكي موقف حصل مع مريضه من زباين الصيدلية،الست دي شابه في العشرينات طلبت من الأسيستنت البنت اللي معايا تسألني لو كنت اعرف دكتور نسا راجل او ست أسألهم عن طبيعة كشف النسا، لأن كل مره تروح لدكتور النسا بيطلب سونار مهبلي عباره عن زي جهاز سونار عادي بس بيدخل جوا المهبل،
قالت حرفيا كل ما تروح يطلب يعملها بنفسه سونار مهبلي كشف بقي إعادة بيقول نعمل سونار مهبلي نطمن الحمل اتأخر ليه، وكل مره برضو بيطلب منها توريه صدرها عشان يدوس في الحلمات يشوف هتنزل لبن أو أي افرازات عشان يشوف فيه تكيس مبايض ولا لا
حرفيا كل مره كان بيعمل كده واللي شككها فالموضوع انه كان بيدوس فالحلمات بطريقه مثيرة للشك وبيقرب بوشه جامد من صدرها، والأغرب من ده كله بقي ان جوزها كان موجود كل مره ولما اتخانقت معاه خناقه انها مش هتروح لدكتور راجل تاني أبدا حتي لو مش هتخلف خالص وقالتله الأسباب اللي قلتهالك دي قالها عادي ايه يعني ده دكتور العيلة واخواتي البنات كلهم بيكشفوا عنده، فتخيل بقي دي لو راحتله من غير راجل او مع سلفتها مثلا هيعمل ايه!
يتبع..
** ده الجزء الأول من شهادة الطبيب الصيدلي والتكملة في البوست القادم..
ممكن تشوفوا كوارث تحرش تانية على هاشتاجات وقنوات تليجرام:
#دكتور_النساء_الراجل - رابط قناة تليجرام: https://t.me/MaleGynoDr
#جرائم_البالطو_الابيض - رابط قناة تليجرام: https://t.me/DoctorCrimes
التسميات
دكتور النساء الراجل