كيف يتحرش الأطباء في المصحات النفسية؟ احدي ضحايا تحرش الأطباء تكسر الصمت!

احدى ضحايا تحرش الأطباء تكسر الصمت عن تحرش الأطباء في المصحات النفسية !

من شهادات السيدات عن تحرش الأطباء: (شهادة 3)

بقول لك يا أسامة
بمناسبة سلسلة جرايم البالطو الأبيض
حابة أقول إن مفيش مصحة حكومية في مصر
مفيهاش دكاترة متحرشين
خصوصًا في أقسام الأمراض الذهانية الحادة
وما إلى ذلك

لأن بيعتمدوا إن البنات كدا كدا في حالة هلوسة سواء بسبب صدمات لها علاقة بتعدي جنسي أو جسدي
فهلوستهم مش معتبرة ولا يعول على كلامهم نظرًا لمرضهم
(وأنا من الناس اللي حصل ده معاهم)

مش بحب أحكي التجارب دي، ولكن لو هحكيها هيكون لسبب واحد (التوعية) وإن الناس تعرف حقيقية الأقذار دول وإن الدولة مش مهتمة بربع جنيه بأمان حد ولا سلامته حتى اللي جايين استنجاد!

أنا لما دخلت المصحة، اتحجزت فيها بسبب صدمة تعرضت لها كان جزء منها هو إن في شخص شَرع في اغتـSابي.. وأنا أصلًا كنت بعاني بالفعل من اضطرابات لأسباب كتير..

أثناء تواجدي في المصحة كان الدكاترة المشرفيين اللي بيجوا يمروا علينا من حين لآخر كلهم رجالة.

في دكتور من الدكاترة دول اسمه محمد، الحقيقة لا أذكر غير اسمه الأول للأسف وشكله مش بنساه أبدًا، الدكتور ده كان بيستغل البنات اللي عندهم اضطرابات في إنه يتمتع بيهم..

كان بيتحرش بيهم أثناء النوبات، وكان بيدي نفسه الحق إنه يـHـدد أي حد يفكر يتكلم، ولو في بنت من البنات عندها خلل عقلي وقلة إدراك لأي سبب من الأسباب كان بيقنعها إنه ده عادي وإنه بيعمل لها شيء كويس..

وكان في بنات بتستجيب بحكم عدم الفهم، وفي بنات بتخاف وتبدأ تاخد رد فعل عدائي إلخ ودول كان بيبعد عنهم وبيهددهم بجلسات الكهرباء، اللي كان بيقنعنا إنها شيء مؤلم ويخوف وممكن يقـTـلنا!

الدكتور ده لما جيه عندي وحاول يعمل ده، أنا كنت بطبيعة حالتي بخش في نوبة من الهلع والرعب وكنت بنتكس أكتر، ولما كنت بحكي لدكتورة كانت معانا اسمها ندى كانت بتقول لي إن دي هلاوس وده محصلش أنت بس بيتهيأ لك عشان اللي حصل لك.

ولكن أنا كنت متأكدة، وكان دكتور محمد ده بيهددني إني لو حكيت لأهلي شيء هفضل هنا للأبد، ومش هيخليهم يشوفوني.. وأنا كنت ساعتها صغيرة جدًا، كنت بين الـ12 والـ13 سنة، يعني هو مش بس متحRش ووسخ ده متحرش ووسخ وبيـDوفيـلي!

ويشهد ربنا يا أسامة ده حصل، ويشهد عليا ربنا أنا متحسنتش ولا قدرت أبقى أفضل غير بعد ما خرجت من المكان الوسخ ده..

ده غير إنه كان بيزود جرعات الأدوية لبعض المرضى اللي هو شايف إنهم "مغريين"، عشان يقدر يتحرش بيهم براحته منغير مقاومة.

في حاجات كتير مجمعتهاش غير بعد ما خرجت لما قعدت أربط الخيوط ببعض..

** تعقيب: البنت صاحبة الواقعة أعرفها بشكل شخصي وأشهد لها برجاحة العقل وحسن الخلق.

ممكن تشوفوا كوارث تحرش تانية على هاشتاجات وقنوات تليجرام:

#دكتور_النساء_الراجل - رابط قناة تليجرام: https://t.me/MaleGynoDr

#جرائم_البالطو_الابيض - رابط قناة تليجرام: https://t.me/DoctorCrimes