مقدمة
زمان، أول ما طلع مصطلح "الزواج الشرعي" اللي أطلقه أصحابه على الزواج بدون قايمة، حذّرنا أكتر من مرة من الفخ والنصباية اللي بتحصل باسم الدين.
هل القايمة هي المشكلة الحقيقية؟
ووضّحنا قبل كده إن عمر المشكلة ما كانت في القايمة زي ما كانوا بيصوّروها ساعتها، بجانب توضيح إن الفترة الجاية هتلاقي اللي يقولك: "عادي بدون قايمة"، ويشجّعك على ده، عشان ما تبصّش للحاجات اللي قدام، وإنك كرجل لا تملك أي صلاحيات من أي نوع.
بمعنى آخر، وضعوا عليك الغُرم وفقط، بدون أدنى صلاحيات ليك كزوج عليها.
إخفاء الحقائق عن الشباب
جميعهم، بدون استثناء، على علم ودراية بالقوانين والأعراف الحالية، لكنهم يرفضون وصف الصورة وتوضيحها بشكل كامل للشباب.
الله أعلم بنواياهم، واكتفوا بعدم وجود قايمة منقولات وحُسن الاختيار. لكن الصورة الكاملة والتصور الكامل عند الشاب قبل الزواج مهم، وده اللي حاولنا توضيحه طوال الفترة دي.
الزواج وفقاً للقوانين لا الشرع
عشان تبقى في الصورة، فأنت النهاردة بتتجوز وفقاً لأعراف وقوانين لا علاقة لها بالشرع، فقط هم أَضْفوا عليها صبغة تزيّن للرائي أنها من الشرع، وليست من الشرع في شيء.
كل ده لتسهيل وتبرير سرقة أموال وعيال الرجل تحت مسمّى الشرع.
الفرق بين الشريعة والقوانين الحالية
في شريعة الإسلام، الزوجة تكون فيه "ممسوكة وعانية"، لذا كان مقابل الإمساك المهر والغُرم، وكان مقابل أنها "عانية" في بيته النفقة عليها.
أما اليوم، فلم يعد كلا الأمرين موجوداً، وكل شيء أصبح وفقاً لهواها.
ارجع لقانون سندس، وادرس اللي حصل من وقتها، وكان مع مين، عشان ما تفكرش نفسك استثنائي.
القوانين الحالية في صالح الزوجة
الحقيقة اللي بيخفوها عنك هي إن أي واحدة النهاردة تقدر تطلّق زوجها وتحصل على حكم الطلاق رغماً عنه، بل وتحصل على نفقات من ماله رغماً عنه، حتى وإن كانت خرجت وتركت بيته بكامل إرادتها.
بل وتحصل على مسكنه وعياله! كل هذه الأشياء مفصلية، وأكثر، مستمرة معاك باستمرار الزواج أو حتى ما بعده، ولا تنتهي من جولة واحدة، لذا عليك مناقشتها وتأمين نفسك بشكل قانوني منها قبل ما تخسر كل شيء تقريباً.
القائمة ليست المشكلة الوحيدة
القائمة، وإن كانت مصيبة تحلّ على رأس من وقع عليها، إلا أنها مجرد نقطة في بحر الظلمات اللي ممكن يعترض طريق الشاب خلال رحلته في منظومة الزواج الحالية.
وقد تكون هي الأكثر وضوحاً من أي شيء آخر، وسهولتها في إنك لو معاك تمنها، ألف مبروك، سدّد تمنها على الطرابيزة، واثبت ده بشكل قانوني، وخلّص نفسك منها.
مش معاك؟ فشرف شوية في عنابر الشاريين، واستمتع بالرحلة والصُحبة مع الشاريين أصحابك!
بمعنى آخر، معاك ما يغطي تمنها؟ امضي، محدش وصيّ عليك. مش معاك؟ طريقك للسجن مفتوح على مصراعيه!
الخاتمة: احمي نفسك قانونياً
أنت بتتجوز على قانون، ادرسه بشكل كويس، لأن ده اللي هتتحاسب به وقت الخلافات الحقيقية والمفصلية.
عشان كده، بقولك تشوف محامي أسرة محترم، يفهمك الليلة ماشية إزاي، ويعرض عليك خطة تأمين نفسك بشكل قانوني.
وكل ده مش هيمنع عنك الخساير، لكنه هيقللها لأقل ما يمكن الوصول إليه وفقاً لحالتك.