%20(1).png)
لماذا نحن ضد مبادرات التيسير الزواج التي يظن أصحابها أن المشكلة تقف عند مجرد كتابة القائمة ؟!
القائمة مجرد نقطة في بحر عن باقي المصايب اللي ممكن بعد كده تحصل للزوج بعد الزواج، وبالتالي فإن اللي شايف إن الموضوع مجرد كتابة قايمة ده مجرد قصور عنده للأسف، لأن الموضوع أكبر.
كل من قاموا بعمل مبادرات أطلقوا عليها اسم واحد وهو زواج شرعي، ومعنى الزواج الشرعي ده معنى كبير وأوسع وأشمل من مجرد زواج بدون قائمة منقولات، لأن معنى الزواج الشرعي بحق وحقيقي هو اللي هتمشي فيه من الأول للآخر بشكل شرعي بحت بعيداً عن المحاكم والمحامين والذي منه..
وبما إن مفيش أي آلية عرفية أو قانونية لمنع الزوجة من استخدام القانون في مصر ضد زوجها فأنت للأسف هتفضل تحت تهديد منها خاصة وإنها تملك العصمة الحقيقة، وهتاخد مكتسبات كمان على خراب بيت الراجل.
كل من قاموا بعمل المبادرات دي برضه اشتركوا في أمر آخر وهو إن لازم الراجل يدفع مهر، وكأن المهر أحد أركان الزواج ما علينا من الموضوع ده، بس ده معناه إبقاء على غرم الراجل بدون أي آلية لعصمة حقيقة بعد كده، وغالب قالوا مبالغ مالية كبيرة على الشباب من 30 ألف وطالع، ويجهز الراجل بيته بنفسه.
طبعاً بحسبه بسيطة هتلاقي إن اللي هيستفاد من المبادرات دي فئة معينة وهم المقتدرين على تجهيز البيوت ودفع مبالغ في المهر، أيوة الكلام ده اقل من تكاليف الزواج العادي دلوقتي، لكن يظل الأمر فيه مغالاة، خاصة إنك بتتجوز والعصمة مش معاك، وخسايرك أكيدة لو هي أرادت ذلك.
في الوقت اللي بيطالبوا فيه الشباب بدفع مهر في زواج لا يمكن أن يكون له لي العصمة، خرج علينا بعض البنات اللي بتقول لو بحبه هتدفع له هى تمن الشبكة والكلام ده أكد كلام كتير، ووضح الصورة لشباب كانوا واخدين فكرة غلط عن الموضوع، وعرفوا إللي فيها.
غالب البنات المشاركات في المبادرات ممن يتم وصفها الزواج الشرعي بيرفضوا التعدد، أو رافضين للمطلقين، وده يظل فيه دخن في الموضوع ده، فضلاً عن كون ممكن تتفضل يوماً ما على زوجها بهذا الأمر.
.png)
ربما تكون نية هؤلاء سليمة وطيبة، ونقطة ضوء وسط العتمة لكتير من الشباب حواليهم، لكن للأسف الموضوع أكثر من كون زواج بدون قائمة منقولات، إيه يضمن لك إنها مش هتتجوز وبعد شوية تبهدل جوزها، مبدأ المبادرة كويس في ظاهره، لكن في باطن الأمور ومع اتساع الموضوع هتبدأ مشاكلها تظهر للسطح، ووقتها المشاكل دي هتبقى في المحاكم زيها زي غيرها، طالما الموضوع يظل بيد المرأة لا الرجل يبقى يفضل الوضع ما هو عليه.
الصور المرفقة فيها أحد الشباب بيتكلم مع واحدة من المتصدرات في مثل هذه المبادرات مع شاب، وتم التسفيه منه وعدم احترام رغبته وغيرته، كمان فيها تأكيد على موضوع المهر ده، وكأنه لازم يتم الحفاظ على مكتسبات الزوجة قبل وبعد الزواج ولا مساس بيها بأي شكل من الأشكال، في الوقت اللي بيطالبوا فيه الشباب بالتقليل من طموحاتهم، طب ما تقللوا من طموحات البنات أولى وساعتها هتمشي المواضيع بشكل أسهل وأفضل من كدا.
"مفيش واحدة هتقولك على ماضيها !!
تقول هذه المتصدرة فيما يسمى "مبادرات تيسير الزواج": مفيش واحدة هتقولك على ماضيها، وتبرر للفتيات ذوات الماضي، رغم ادعاء هذه المبادرات بأنها شرعية وقائمة على أساس ديني.. ولكن يبدو أنه للمشرفات رأي آخر !انتبه: عندما يصدر هذا الكلام من امرأة متدينة عن فتيات ظاهرهن التدين والالتزام فتأكد أن الأمر وصل إلى مرحلة حرجة، وتذكر دائماً أن النساء أدرى بخبايا وأفعال النساء !!
النساء أدرى بخبايا وأفعال النساء !!
ثم تقول مبررة عن ماضي الفتيات في العلاقات الغير شرعية مع الرجال: "مفيش مصرية ناصعة البياض" أي من حيث الماضي، وتسفه من طلبات الشاب المشروعة في اختيار فتاة عفيفة تعفه وتصونه ولا تكون ذات ماضي مع رجال آخرين !
مبادرات تيسير الزواج أم مبادرات الضحك ؟
الناس دول مصممين على أنهم كده بيعملوا معاك الصح، وأنه كده بيتم التخفيف على الشباب والكلام ده..
بيقولك خمسين جرام دهب يعني قول بـ 100 ألف جنيه تقريباً، وطبعاً هيطلب منك من الناحية التانية قائمة بباقي الكلام التاني، سواء دهب أو قيم أخرى.
طيب، لو مش هتجيب إلا خمسين جرام دهب بس زي ما هم أعلنوا كده، تقدر تقولي ليه تدفع من مالك خمسين جرام دهب في جوازة أنت لست الوحيد القادر على التطليق، بل إن مراتك تقدر تطلقك أو تخلعك وتاخد منك الدهب ده وفوقهم كمان نفقات وقائمة ومسكن وعيال.
أنتم بتضحكوا على الشباب وبتلبسوهم العمة، وترجعوا تلموا عليهم. مفيش مبادرات تيسير حقيقة ولا يحزنون، كله كلام بيتقال لكن الواقع شيء آخر.
عايز مبادرات تيسير بحق وحقيقي؟ اطلب من اللي جاي لبنتك يجهز بيته بنفسه وتخلي المهر معجل قدر استطاعته، ويبقى مبلغ رمزي بحيث حتى لو، لا قدر الله، طلع وحش، فبنت حضرتك تقدر تجيب مبلغ المهر وتختلع منه. إنما أنت كده بتدبحوا الناس مش بتجوزوهم.
مبادرات تيسير الزواج = مبادرات الضحك على الشباب تحت مسمى التيسير والدين.
إحنا في جوازنا هنا عاملين بالظبط زي أصحاب السبت، بيضحكوا عليك ويقولوا لك إحنا مع التيسير والدين من ناحية ومن ناحية تانية يسلخك بالقايمة والديون اللي عليك ليها، طيب وأنت تدفع كل ده ليه في جوازة أنت لاتملك وحدك حق التطليق أو الإنفصال.
مبدئياً إحنا نعمل نفسنا من ناحية إننا بنسهل على الشباب عشان خاطر يتجوز، لكن من ناحية تانية هنكتبه ونمضيه على قايمة عشان نضمن حق بنتنا ونسجنه زي ما إحنا حابين، طيب ولنفترض إنهم هم وحشين الراجل يروح في الرجلين ويتسجن لإنه في الغالب مش هيبقى معاه يسد تمن القايمة.
اللي عامل المبادرة دي بيقولك يجيب في يجيب دهب بخمسة وعشرين ألف، ويكتب 50 جرام في القايمة، طب وليه أصلاً أكتب في القايمة دهب، وليه برضه أجيب بكل ده دهب.
تعالوا بقى لحتة مؤخر 10 آلاف جنيه، وزيهم كسوة للعروسة، ومن 100 إلى 200 ألف جنيه قايمة للعروسة، وفوق كل ده قول بتاع عشرين ألف فرح وخلافه، وعندك 25 ألف دهب، و50 جرام دهب في القايمة يعني قول عاملين 100 ألف، يعني كده الجوازة كلها واقفة عليك بمبلغ بحوالي 365 ألف جنيه، قول 380 ألف جنيه عشان هتلاقي هدايا وخلافه..تخيل انك أنت هتبقى مديون بحوالي أكتر من 300 ألف جنيه للعروسة وأهلها عن طريق القايمة عشان خاطر يسجنوك بها وقت مايحبوا، لإن أنت في الغالب مش معاك المبلغ ده !
مبادرات تيسير الزواج للضحك على الشباب !
هتلاقيهم جايين يقولولك إحنا بنسهل عليك مش هتجيب كذا وكذا، بس أنت هتكتب الكلام ده في القايمة.
أي حد يقولك قايمة سواء كان شيخ أو أبوك وأمك أو أي حد من صحابك يقول لك امضي على قائمة ماتسمعش كلامه حتى لو أنا نفسي قولت لك كدا برضه ارفضه.
القايمة وصمة عار على جبينك وهتخليك دلدول، ولا يغرنك هدوء البعض واللي بيقولك كلنا ماضيين والدنيا حلوة وزي الفل، فربما يتجرعون الهم لكن لا يصرحون به أمامك.
اكتبهم في القايمة واحفظ حق بنتك.. شعار احدى مبادرات الضحك على الدقون.
الحقيقة إن القايمة دي لاتصلح أن تكون مهراً ولا ينبغي لها أن تكون كذلك، وسبق ووضحت ده وناس كتير وضحت ده في بوستات عادية أو فيديوهات، المشايخ والأهالي مٌصرين بشكل قاطع على عدم التنازل على كتابة القايمة مهما كانت الأسباب، حتى في ظل الظرف اللي إحنا فيها دي، بل إنهم يتنازلوا عن إنك تجيب حاجة بس هنكتبها في القايمة عشان نضمن حق بنتنا..
وده هياخدنا لسؤال حلو أوي، ليه أنت أو غيرك شايف إن بنتك أو بنت غيرك تستحق مهر بمئات الآلاف، وإن جوازتها لازم تمشي بنفس مستوى أسعار المتوسط في مصر، واللي هي في الأساس فيها غلو ومغالاة، وكله عشان نكسر الراجل..
هل تعلم إن مع الظروف الاقتصادية للبلد واللي غالب شعبها بيشتكي كل يومين من الغلاء وصل متوسط تكاليف أي جوازة النهاردة لأكثر من نصف مليون، لكن الأهالي شايفين إن ده طبيعي، وطالما أي حد شايف إنك لازم تتداين عشان تتجوز بنته فخلي بنته جنبه، الأيام الجاية مش سهلة، واللي جاي أصعب، ومع تكاليف وديون كمان عليك هتبقى زي التور في الساقية مش هتقدر تسد لا هنا ولاهناك.
بالقانون والعرف وبحسبة بسيطة أي واحد النهارده بيتجوز فهو بيخلي نفسه تحت رحمة مراته وأهلها وإلا خراب بيته والسجن أو الشارع هيبقى مكانه الأخير، أنت كراجل ملكش أي حقوق، وروح اتأكد بنفسك الكلام ده من شيوخ الجامع وأي حد حواليك هيقنعك إنك لما بتكتب القايمة على نفسك يبقى كده أنت صح.
أنت كشاب النهارده لازم تعرف ده إن خطيبتك أو مراتك النهارده تملك حق الطلاق والعصمة في إيدها زي ما في إيدك بل وإنها مستفيدة من إنهاء العلاقة معاك وهتاخد مكافأة على منها: مالك وعيالك ومسكنك، يبقى مين المفروض ياخد ضمانات قبل الجواز على مين؟! أظن الإجابة معروفة بس الناس هتقولك احسن الاختيار والكلام ده حلو طيب ليه البنت وأهلها ما أحسنوش الاختيار.
للأسف إحنا هنا في مصر الأهالي شايفين إن البنت لما بتتجوز لازم تتأمن من جوزها، وعشان إحنا مش مأمنين لجوزها جايز يطلع وحش وخاين وفيه العبر كلها لازم نربطه ونأدبه بالقايمة، طيب ليه ما سألتوش عليه واستخدمتوا كل الطرق الممكنة والغير ممكنة عشان تتأكدوا إنه إنسان كويس.
ياعم لو أنت شايف إن خطيب بنتك ده إنسان مش كويس ارفضه وقول لبنتك هو وحش وفيه كذا وكذا، ولو فرضنا إنه طلع وحش بعد الجواز زي ما بتقولوا فأنت بنتك تقدر تطلقه بسهولة، ليه بقى عايز تخرب بيت الراجل ومش بتكتفي بكده لأ ده أنت كمان عايز تسلب منه ماله وعياله، اتقوا الله اللي هتعملوه في ولاد الناس هيعود عليكم في ولادكم.
غالب الشباب اللي بيتم تطبيق القوانين دي عليهم وبيترموا في السجن أو بيتبهدلوا في المحاكم هم شباب أهلهم صارفين عليهم تعليم وبقوا حاجة هتلاقي منهم: الطبيب، والمهندس، والمحاسب أو أي مهنة شريفة طالما أنت راجل بتاكل من حلال فأنت راجل شريف مع اختلاف مهنتك، لكن لو هو إنسان مش شريف سواء بقى تاجر ممنوعات أو سوابق وغيره هتلاقي مراته وأهلها يخافوا ياجوا جنبه، بل ممكن يبقى ممسيها بعلقة ومصبحها بعلقة ولو فكرت تروح لهم يرجعوها له تاني عشان خاطر مايقلبش عليهم.
ليه الكل بيبقى شايف إن الشباب هم الأسوأ ولازم نظن فيهم ظن السوء، وحتى لو هم كده ليه بتسحلوا أموالهم وأموال أهاليهم، مع إن الكل عارف لو واحدة النهارده جوزها وحش ومش عايزة تكمل معاه بتخلعه وترجع بيت أهلها بكل سهولة، طيب وليه ما نفترضش العكس وإن البنت ممكن تبقى هي وحشة وممكن تفتعل مشاكل عشان تطلق أو أي حاجة تانية، وقتها مين يجيب حق الراجل؟الحقيقة محدش هيجيب حقك لأن فيه اجماع مجتمعي غير معلن -ضمن العقد السري- إن الراجل ملوش حقوق، وطالما أتجوزت فأنت رضيت بكافة ما رضى به المجتمع وهو أكل أموالك أو تسليم رقبتك لمراتك وأهلها حسب مايحصل معاك.
السياسة التسويقية لمبادرات تيسير الزواج:
كل مبادرات تيسير الزواج التي يتحدثون عنها هنا وهناك هي مجرد ضحك على الناس.
لتوضيح الصورة حتى تقترب الفكرة سلعة وليكن سعرها جنيه في السوق في كل مكان، يروح صاحب المحل رافع السعر وليكن يخليه عشرة جنيه وبعد فترة يقولك أنا عامل لك عرض على السلعة دي بخمسة جنيه.
يبقى كده هو من جهة وصل للحاجة اللي عايز ياخدها منك وفي نفس الوقت مفهمك إنك كده واخد عرض، ويخليك مبسوط وتبوس إيده على هذا الجميل الرائع، وبعد فترة من الزمن تكتشف إنه مضحوك عليك بس وقتها مش هتعرف ترد لك سلعته ولا تقوله حاجة، لإن رد السلعة هتلاقي إنه هيكلفك أكتر من شرائها من الأول.
فلسفة الزواج في مصر حتى مع تيسير الزواج:
واحد كاتب على المحل لتر البيبسي بـ ٥ جنيه بس.
جه زبون وطلب بيبسي، صاحب المحل قاله ١٠ جنيه !
الزبون قاله: "انت كاتب ٥ جنيه بس!".
صاحب المحل قاله: "سعر البيبسي ٥ جنيه وخدمة ٥ جنيه"..
الزبون دفع الـ ١٠ ج وهو ساكت.
صاحب المحل رجعله ٥ ج، الزبون فرح وقاله: ليه؟
صاحب المحل قاله: "أصل مافيش بيبسي".
المشاركات في مبادرات تيسير الزواج !
من خلال متابعة وتحليل خلال الأشهر الماضية لأهم مجموعات ومواقع الزواج الشرعي وتيسير الزواج والتي تتمتع بسمعة طيبة في المصداقية وإخفاء هوية العارضين بيناتهم من الجنسين وجدنا الآتي:
البيانات كثيرة، وتستحق دراسة كبيرة، إذ يقدم العارض أو العارضة تفاصيل ما يريدونه في الشريك، وتفاصيل ما عندهم. وإليكم هذه الملاخظات الإنطباعية -علماً بأنها غير ناتجة عن دراسة علمية أو دقيقة-، وتتعلق بعاملين فقط في المبادرات: النساء والتعدد.
- عامة النساء، مهما كان مستوى ديانتهن، ومهما ارتفعت أعمارهن، يرفضن التعدد بحزم. تجد المرأة في نهاية الأربعينيات وسبق لها الزواج وتقول لا أرضى بالتعدد.
- كثير من الأبكار اللواتي في نهاية شبابهن، مثل نهاية الثلاثينيات، يطلبن رجلا لم يسبق له الزواج، وبعضهن تشترط أن يكون قد ماتت عنه زوجته ولم يطلق !
- اللواتي يقبلن بالتعدد قصة أخرى: جمهرتهن إن لم يكن كلهن إلا الندرة: مطلقات معيلات، ويرفضن بحزم مطلقا معه أولاده في حضانته! فتجد تلك الملاك الطاهر تكتب مثلا (عندي أربعة صبيان، أكبرهم 15 سنة وأصغرهم خمسة، أريد رجلا يتقي الله في وفي أولادي ويتكفل بنا)، ثم في السطر التالي ترد على سؤال: أتقبلين رجلا أولاده في حضانته؟ (لا.. لا أقبل)! يا بنت الكذا والكذا! أتريدين (عبدا) يخدمك أنت وأولادك ولا تقبلين برعاية أولاده؟!
- من المدهش عامة أن متطلبات النساء عالية، ونقيض ما كان الحال في الأزمان الماضية: فالمطلقة المعيلة هي (التي تشترط) أن لا يكون الزوج المتقدم صاحب عيال! البكر صاحبة السن الكبير تطلب رجلا بكرا! وهكذا.
- كافة المطلقات يصفن أنفسهن بصفات ملائكية! كلهن يعرفن الله ويردن حياة هادئة وزوجا متفاهما!
مبادرة تيسير زواج حقيقية:
هذه هي مبادرات تيسير الزواج بحق وحقيقي مش ياجي يقولك هتجيب خمسين جرام دهب وتكتب الباقي في القائمة ولا حق بنتك اضمنه بكتابة القائمة وكلام من هذا القبيل.
الشعب الوحيد الذي يتعامل مع الزواج أنه بيعة وشروة، بل إنه يعتبر أنه لزاماً أن يتم التنكيل بالراجل واعضاله أمر هام لاتمام الزواج، ولازم تتجوز وأنت مديون ودافع دم قلبك في الجوازة دي عشان تتم، وتمضي على نفسك قائمة وإلا كده تبقى مش شاري ونيتك مش سليمة.
مشكلة الزواج الحقيقية في مصر:
أنت بتدفع مهر في مصر مقابل ولا حاجة تحصل عليها، لا ليك تمنعها من زيارة أهلها ولا تقول لها ماتروحيش في مكان ما.
طالما أنه لا يوجد أي آلية عرفية أو قانونية لتطبيق القوامة بشكلها الحقيقي، إذا تدفع أقل مهر ممكن، وتتجوز بأقل تكاليف ممكنة، عشان بعد كده الخسارة عليك لوحدك أنت هتشيلها، وكله بالعرف والقانون.
لا يزال جميع مشايخ مصر وأتباعهم يقرون أنه يجب دفع مهر مقابل ولا حاجة، حتى لو تكلمت معاهم في تيسيير هيقولك المهر مش محدد.
حتى مبادرات الزواج اللي بشوفها منتشرة بتجبر الواحد يدفع مهر ومش أقل من مبلغ ما، وبيقنعك إنك بتتجوز شرعي، طيب نفترض البنت صحيت الصبح خبطت في دماغها تعمل أي حاجة مخالفة لجوزها أو أو وقتها إيه النظام.
مشكلتنا عمرها ما كانت مع القايمة وبس، القايمة بالنسبة للباقي حاجة عبيطة، مشكلتنا مع أعراف وقوانين لاتجعل للرجل كلمة ولا غيره، ويبقى مجرد ATM فقط، ده غير أعراف كلها توجه الاتهام للراجل، وهو في النهاية الخاسر الوحيد من خراب بيته.
أتحدى أي واحد من مشايخ مصر بمختلف توجهاتهم يطلع يقول للشباب ادفعوا مهر رمزي وليكن ورقة نقدية واحدة فقط من أي فئة متادولة حتى لو ١٠٠ دولار، ويقنع الأهالي إن قيمة المهر رمزية فقط لا أكثر ولا أقل، بل ولو سألته ليه بدفع مهر مش هيجاوبك، لأنه لا يوجد أي آلية أو ضمانات لتنفيذ الطاعة والقوامة بشكلهما الحقيقي.
الشبكة والمبادرات الشرعية:
حتى مدعيات التدين والمتصدرات في مبادرات تيسير الزواج والزواج الشرعي، لو تابعت محتواهن وركزت فيه لازم هتلاقي في المحتوى خازوق مصري أصيل !
إحدى المتصدرات في مبادرات تيسير الزواج وعدم كتابة القايمة. تدعو الشباب للزواج من خلال تلك المبادرات.. طب فين الخازوق؟ الخازوق في الشبكة وحالة الفسخ. وطبعاً عشان يكون هناك مجال أن البنت تسرق أموال الولد، لصقت مصطلح "العريس اللي بيتلكك عشان يفسخ الخطوبة" واستخدمت مصطلح "أنه لازم يتأدب".
وبعد ما تأخذ شبكته لأنها رأت أنه بيتلكك، يدخل في متاهة تقييم تلاكيكه، وهات وخذ وشيل وحط. ومن خلال خبرة سنين رأينا كمية تحويرات المرأة المصرية في مصطلح "بتتلكك" ومصطلح "بيتريق". أثبت بقه أنك لا بتتريق ولا بتتلكك، وعيش اللف والدوران مع أسوأ نموذج نسائي على الكوكب.
المهم، أنا سمعت لفظ "لازم يتأدب"، وثارت ذكورتي. خليني أجرد الفكرة: البنت دي أخذت فلوس بشكل عرفي لا يمانع فيه الشرع عشان الشاب ده يمارس معها الجنس، لأن العقد اللي هيكون بينهم اسمه عقد نكاح. معقولة إحساس التي تتقاضى مالاً ارتفع إلى حد تأديب صاحب المال؟ كدا فيه خلل.
ولا البنت دي أخذت فلوس ليه؟ فيه معنى أو مفهوم سقط من الشعب المصري، مفهوم أن البنت تأخذ فلوس مقابل الممارسة الجنسية. تخلى عنه الكفرة لرفع قدر المرأة لتتساوى مع الرجل، وأصبحت هذه المجتمعات لا تتقاضى فيها المرأة المال مقابل الممارسة الجنسية في الزواج.
الكفرة مقدروش يرفعوا المرأة لتتساوى بالرجل إلا أنها تمارس الجنس مع الرجل بلاش. في مصر بقه عايزه تأخذ فلوس مقابل الممارسة الجنسية، وكمان تنطق بكلمة "أدبه"! ده إيه الجبر ده؟
مفيش رجالة في مصر بتدفع مهر أصلاً !
ليه تلاقي أي واحدة دلوقتي تطلع تقولك مفيش رجالة في مصر بتدفع مهر، وده بسبب الجنيه اللي بيتحط في المقدم، الجميع بيتعمد تغييب أو تجهيل الشباب على إنه يعرف الجزئيات دي ولايكاد يعلمها إلا بعد ما تكون رجله وقعت في الخية، ولو حتى عرفها فهو بيكون مكسوف إنه بيطالب بحقه، لأنه لو عمل كده ببساطة هيتقال عليه مش شاري.
طالما اتفقت معاهم على مهر وقدره كذا سواء كان بالمال أو بالدهب فأنت عشان تضمن حقوقك فيما بعد هو إنك تأكد كل شوية على إن الدهب يتكتب بالجرام في العقد كمقدم، وإن المال يتكتب برضه زي ما دفعت بالظبط، ولو ضحكوا عليك بحجة الرسوم ياسيدي اعتبرها حاجة من الحاجات الهايفة اللي عمال تجيب فيها ومش عارف ليه طالبينها منك..
بقولك كده ليه عشان لو حبت تخلعك فهي تبقى مطالبة برد اللي أنت دفعته سواء كان دهب أو مال، فده يبقى كأداة ردع ليها وكل شوية تفكر قبل ماتروح تخلعك، على الأقل خالص هتبقى عارف رأسك من رجلك لو لاقدر الله رفعت عليك طلاق للضرر وتقدر تسبق بخطوة، بدل ماتتفاجئ إن عليك خلع زي ما ناس كتير إتفاجئت بده وإن الخلع النهارده عادي بيتم من غير ماتعرف إنه مرفوع عليك حاجة.
الحقيقة إنه من أكثر الناس اللي بتدفع مهور على مستوى شمال إفريقيا وماحولها من البلاد هي مصر، وذلك مقارنة بدخل الفرد فيها بالنسبة لما يتم دفعه.
حسب ما يتم الإتفاق عليه فإن المهر عند المصريين تم تقسيمه إلى أربعة أقسام، وده مش بهدف التيسيير زي ما بيضحكوا عليك ويفهموك، لأ ده لهدف الإعضال والزيادة، فلو مثلاً ذهبت إلى أي بلد ما وقولت لهم كم مهر فلانة سيقول لك مهرها كذا بعملة بلدها وليكن نفترض أنه يقول إن المهر 1000 جنيه وأنت دفعت الألف جنيه ويتم كتابة المهر في العقد، وتبقى كده أصبحت متجوز فلانة، بل وإنك مش مديون لها بأي حاجة.
هنا بقى زي ما قولنا في الفقرة السابقة بيتم تقسيم المهر في مصر لأربعة أقسام وهم: المقدم، والمؤخر، والقائمة، والشبكة، طبعاً أنت بيتم إجبارك على الأربعة دول بطريقة أو بأخرى، وللأسف أنت بتعمل نفسك محترم وطيب وقطة سيامي وماتقدرش تتكلم، وده عشان تبان شاري، وللأسف أنت بتضر نفسك أكتر ما بتنفعها.
طيب هل لو روحت قولت لأبو خطيبتك مثلاً مهر بنتك كام هيقولك إيه؟!
ببساطة في الغالب هو مش هيرد عليك وهيقعد يجيب لك من الشرق والغرب ومش هيقول لك كام بالظبط، طيب لو فرضنا إنه جه معاك سالك وقالك مهرها كذا، وقتها كذا دي هتلاقيها بمبلغ في الغالب هو مساوى لإجمالي قيم: الشبكة، والمقدم، والمؤخر، والقائمة، ولو عملت نفسك عنترة بن شداد وقولت له هروح اشتغل عند الملك النعمان وأجيب لك المهر وأرجع على ماترجع وتجيب له الفلوس هيقولك مش هينفع لازم تمضي لبنتي على القايمة عشان نعرف نسجنك افرض طلعت وحش ومش كويس معاها.
مبادرات الزواج هي مجرد كذبة وخدعة ووهم.
كافة مبادرات الزواج اللي بتشوفوها واللي بيقولك تيسير وبتاع دي مش حقيقية، واحد ياجي يقولك هنكتب الدهب في القايمة ومش مهم تجيب شبكة، والتاني يقولك هنكتب قايمة بمبلغ كذا ومش مهم تجيب كل حاجة، والتاني يقولك هتدفع مهر كذا ألف جنيه، تقدر تسأل نفسك السؤال الأبرز ليه ادفع مهر كل ده لواحدة في مقابل هي تملك حق التطليق زيها زيي بالظبط، بل إن النهارده هي تقدر تطلقك وتاخد كافة مافرضه لها القانون والشرع من حقوق، وأنت تكون الغارم الوحيد، احسب الموضوع ده بعقلك وفكر على مهلك بورقة وقلم هتلاقي إنك النهارده لو داخل جوازة فأنت بتضحي بكل حاجة في مقابل ولا حاجة، وإنك المفروض تاخد ضمانات حقيقية قبل أي جوازة تدخل فيها.
خطابات شيوخ الضلال للنساء حول مبادرات الزواج الشرعي:
الخطاب الموجه للفتيات:
- نضمن إزاي أن الشاب يطلع كويس وعنده دين يا شيخ؟
= الشباب أغلبهم مش مضمونين، وإحنا مش في زمن الصحابة عشان ترضي تتجوزي بأقل القليل، لازم يدفع مهر محترم ويكون في ضمانات، وإياك ترخصي نفسك!
الخطاب الموجه للشباب:
- إزاي نضمن أن البنت تطلع كويسة وعندها دين يا شيخ؟= اختار صح يابني، البيوت مليانة بنات صالحات، بس أنت دوّر واسأل، ومعروفة يعني كن لها عبدًا تكن لك أمة، وادفع وأنت ساكت.
شيوخ النسوان:
- كثرت رقة الديانة اليوم في الشباب ومنقدرش نثق في شاب ونعطيه بنتنا إلا بمهر كبير أو نمضيه على ضمانات.= يعني لو أنت مش واثق في دينه وخلقه وجه أعطى لها مهر كبير أو مضى على ضمانات هتزوجهاله؟
- أه عادي ما هو دفع ثمنها، ولا عاوزنا نرميها ببلاش؟!
احترنا والله مع مشايخ النسوان..
يعني أنتم عاوزين الشباب تمضي قائمة أو يكتب مهر كبير عشان البنت متطلقش ويفضل عايش معاها غصب عنه؟
ولا عاوزينه يمضي قايمة ويتكتب عليه مهر كبير عشان لو طلع وحش نعرف نضغط عليه ونخليه يطلق ونربيه؟
فقه مصالح النسوان:
ضياع مستقبل شاب وحبسه وتدمير نفسيته وسلب قوامته وأبنائه منه أهون عندهم من أن واحدة تتجوز شهرين ويبقى اسمها مطلقة.
عندهم أن الدعوة لتيسير المهور وعدم كتابة قائمة منقولات مفاسدها أعظم لأن الشاب ممكن يتجوز ويطلق كل يوم واحدة براحته ويجيب غيرها
بينما الزواج بالنظام القائم من كتابة قائمة وفرض مهر مُعضل مع إتاحة حرية انفصال المرأة متى أرادت مع أخذها لكل المكتسبات ده مفسدته أقل.
ونعم الفقه.
مشكلة الشيوخ الحقيقية في الزواج بدون القايمة أن المرأة إن طُلقت ستطلق بدون فلوس وبدون رضاها.
والدليل على كده: أنها لو كانت هي من اختلعت بدون رضاه مع أخذها للقائمة والذهب بعد شهر أو شهرين زواج مكنوش هيشوفوا ده مشكلة كبيرة.
بل هيقولوا: لا عادي ده حقها هي مش عاوزة تكمل معاه أنت هتقعدها معاه غصب عنها؟!
وشوف إزاي يا جدع !
بيقولك اتنازلت وجت بشنطة هدومها!!
يبقى المفروض إجابة سؤاله: إللي يضمن للبنت أنه شخص كويس وإنه ابن أصول وعنده دين = أنه يدفع فلوس كتير ويمضيلك على قائمة ومؤخر!
علمتم ليه الناس دي بنقول عليها منسونة؟ ليه بنقول عليهم مقهورين في بيوتهم؟
الأخ لا يتصور رجلا يحافظ على بيته إلا تحت تهديد الأوراق أو المبلغ الكبير الذي دفعه!
وبعدين ما تقلب السؤال: إي إللي يضمن للشاب أن البنت دي بنت أصول وكويسة وعندها دين؟
مفيش في مصر قانونًا ولا عرفًا أي شيء يحفظ حق الرجل في احتباس امرأته في بيته ولا في تمكينها له من نفسها، وأتحدى أي منسون منهم يطلع يقول غير كده.
لو أن امرأة في مصر تزوجها رجل بشنطة هدومها وأعطاها المهر المتفق عليه لما كانت متنازلة عن أي شيء، ولكان زوجها له الفضل عليها بنفقته وسعيه.
مفيش حاجة اسمها "اتنازلت" عشان وافقت على مهر قليل أو أنك تجهز لوحدك ومتمضيش قايمة كما يروج له المغفلون.
من فترة جلست مع أخ مستشيخ متخصص في مسائل الأسرة وبيحل نزاعات زوجية ما بين الناس في منطقته، وهو من الإخوة إللى عندهم نفس النغمة بتاعة الشباب إياها مدّعي العلم والدراية إللي لامّين حثالة الأخوات حولهم تحت دعوىٰ الرد على الذكوريين..
المهم حصل بيننا حوار بسيط هدمت له كل منهجه، وبعدها أكتشف أن هذا الأخ إللي ماشي في مشاكل الناس وبيحكم بينهم (بغير ما أنزل الله لأنه مدعي للعلم) سايب أمر بيته كله لزوجته، ومبيقدرش يتدخل حتى في تربية عياله، وممكن يبات برا البيت بالأيام والأسابيع لما بتحصل بيتهم مشادات أو مشاكل..
ومثل هذا الأخ رأيت منه على الأرض من ثلاثة لأربعة نماذج تشابهه وجلست معهم، مثل هذا الأخ يظل حاقدًا بشدة على من يقومون بدعوة الشباب وتوعيتهم في تلك الأمور لأنه بيرى في كلامهم ضعفه وعجزه، زي العبيد كده لما يلاقوا حد بيتكلم عن الحرية.
فضايح المعارضين للمبادرات من المتدينين وشيوخ الضلال: (تتبع في مقال خاص)
فيديو كارثي لاحدي المتصدرات ذوات السمت الديني تطعن في بعض القائمين على مبادرات الزواج الشرعي بدون دليل وبدون ذكر أسماء خوفاً من المواجهة وتتهمهم باختلاس اموال الناس وسرقة التبرعات وتشنع عليهموهي قائمة على نشر خطابات جنسية للفتيات المتدينات ويتواصل معها الرجال في مسائل جنسية تخص زوجاتهم ويتحدثون اليها في اوقات متأخرة من الليل كما هو واضح بالتسجيل 2 صباحاً يتشاورون مع الاخت المتدينة التي تثقف الاخوات جنسياً وتقول "استمتع بيها اسبوع" بس انا والله مكنتش هخليه يعمل كدا !!