هل البيتا ممكن يكون ألفا؟ ازاي اكون ألفا؟ يعني ايه بيتا ويعني ايه ألفا؟

 هل البيتا ممكن يكون ألفا؟ ازاي اكون ألفا؟ يعني ايه بيتا ويعني ايه ألفا؟

أسئلة كتير وغيرها هحاول اجاوبك عليها في البوست دا

مبدئيا كدا الناس كلها (سواء رجالة حريم) نوعين اتنين مفيش غيرهم.. النوع الأول العقلانيين، والنوع التاني العاطفيين.. وممكن تلاقي ست عقلانية (هيبان عليها انها مسترجلة) وممكن تلاقي راجل عاطفي (هيبان عليه برضو).

أغلب الستات عاطفية، وأغلب الرجالة عقلانية.. ومعظم السيمبات (اللي بيطبلوا ويريلوا على البنات والحريم) بيكونوا عاطفيين، ومعظم البيتا عاطفيين ومعظم الرجالة المدافعين عن حقوق المرأة والجو دا عاطفيين برضو.

وبرضو معظم الألفا عقلانيين، قلبهم مش بياخد قرارات وصوتهم من دماغهم أو بيسمعوا لرجالة تانية عقلانية برضو زيهم، ودا اللي بنحاول نعمله في الجروب وفي حركة الريد بيل بشكل عام. ولو عايز تعرف انت عاطفي او عقلاني، ممكن تعمل اختبار أنماط الشخصية 16

الألفا هو الذكر المهيمن (المسيطر) اللي بيخلي الأنثى بتاعته خاضعة قدامه، لأنها بتشوفه أعلى منها في كل حاجة، زي الحجم والطول والعضلات والقوة والفلوس والذكاء والمركز الاجتماعي والعلاقات وحسن التصرف وحاجات تانية كتير.

البيتا هو الذكر اللي مش عارف يسيطر على أنثاه ومش بتخضعله لأنها بتشوفه أقل منها في كل ما سبق أو أغلبه.. يعني الفلوس مش كل حاجة.. مش عشان واحد جاهز وشاري يبقى هيكون دكر في عينها.. لازم يكون أعلى منها في كل حاجة تانية برضو.

في قانون الغابة كل قطيع فيه ألفا وبيتا وجاما ولحد آخر ترتيب (الأوميجا).. بس احنا هنا مش بنتكلم على ترتيب الذكور بالنسبة لبعض.. وعلى فكرة الحريم برضو عندهم ألفا وبيتا عادي جدا..

الفكرة بقى ان لما الذكر الألفا يموت أو يكبر أو يعجز، البيتا الأقوى بيكون هو الألفا الجديد.. يعني مفيش ألفا مولود ألفا ولا بيتا مولود بيتا.. الحكاية كلها زي الترقيات كدا.. وطالما مفيش أجمد منك يبقى انت الألفا لحد اما تضعف أو يطلع البيتا الأجمد ويتفوق عليك في منافسة شريفة وياخد مكانك.. دا في القطيع.

نفس الفكرة مع المرأة.. انت اليوم ممكن تكون بيتا في نظرها عشان فيه واحد في حياتها أغنى منك مثلا أو أطول أو أوسم إلخ إلخ. بس لو هو اختفى أو سابها ساعتها بتبقى انت الألفا الجديد بما انك أعلى بيتا حسب تصنيفها ليك.

بس الحل انك تشتغل على نفسك في كل حاجة وتعلي كل شيء عندك. شكلك جسمك شغلك لبسك فلوسك ثقافتك إلخ إلخ إلخ

الخلاصة انت ألفا في عين أحدهم، وبيتا في عين أحدهم برضو.. المهم انك ترتبط باللي تشوفك ألفا، واوعى تفتكر ان فلوسك كفاية عشان تشوفك ألفا.. دي حاجة من ضمن حاجات كتير جدا.

زي ما مش هينفع ترتبط بالأطول منك ولا الأضخم منك، مش هينفع ترتبط باللي شخصيتها أقوى من شخصيتك، ولا باللي بتشتغل زيك وتكسب فلوس زيك، ولا باللي عرفت رجالة قبلك عشان ممكن حد فيهم يكون أعلى منك فتفضل طول عمرك في نظرها بيتا مهما عملت، ولا ينفع المطلقة لنفس السبب، ولا ينفع حاجات كتير اظن انت فهمتها لوحدك بعد الشرح دا.

انك تبقى ألفا أسهل حاجة، بس لو بالع الحبة الحمرا وعند وعي كافي

برافو عليك انك كملت للنهاية يا ألفا.. بالتوفيق