الشقة والجواز

 مفيش مشكله العريس يجيب شقه جنب اهله والعروسه تجيب شقه جنب اهلها

او اللي يجيب الشقه يبقى حر في مكانها

مينفعش واحد يجيب الشقه وكمان تبقى على كيف الثاني كده مش عداله وقرطسه مصريه

وانا مش عارف ليه في مصر العريس هو اللي يجيب الشقه او يصرف على الست بادعاء انت راجل تثبت رجولتك وتجيب الشقه وتصرف

لان الرجوله مفهوم اسلامي عنصري له اصل عادل في الاسلام

وعنصريه الرجوله لم تعد معتمده في الليبراليه لانه في الليبراليه معدش فرق بين الراجل والست كلهم غارمين بالتساوي وكلهم مسئولين عن النفقه بالقانون

وكده لازم نشرح ونفهم الرجوله في الاسلام بدايتها ايه

الرجوله في الاسلام الموجبه لشراء الرجل لمسكن الزوجيه واعطاءه مهر للمراة ، وانفاقه على زوجته كلها مرتبطه شرعا بامساك الرجل لزوجته قال تعالي ( فامساك بمعروف )

وامساك الرجل لزوجته معدش موجود قانونا يعني القانون المصري استباق مش معترف برجوله الرجل على زوجته في امساكه لها

والامساك هو ان يقيد الزوج حركه زوجته باذنه ويقيد طلاقها برضاه والاثنين القانون المصري مش بيعتمدهم كحقوق للزوج يعني القانون المصري مش بيعتمد اليات الرجوله من البدايه ،

فكيف يأتي المجتمع ويطالب الرجل برجولة الغرم والرجوله مش موجوده من البدايه بالقانون كده المجتمع بيضحك على الراجل وياخذ فلوسه بدون وجود حقوق قانونيه للراجل في المقابل

المشكله كمان ان بعض الرجاله قابله هذه الخدعه المجتمعيه ، وكمان بتدافع عن ان الرجوله انه يكون غارم

وبينسى تماما انه وقت الخلاف هيدعم القانون انها تسيب البيت وتمشي بدون اذنه ويدعم القانون انها تطلقه خلعا او لضرر استحكام النفور بدون حضوره او رضاه او ابداء الاسباب بنتيجه مضمونه ١٠٠% يعني مفيش ست واحده ولا حاله واحده رغبت في تطليق جوزها ولم تطلقه بخدعه انها لا تطلق وان الذي يطلق هو القاضي ومفيش حاله واحده بتترفض لا خلع ولا ضرر استحكام النفور يبقى الراجل راجل اذاي وهو مش ممسك وبيدفع فلوس ليه

أمجد صالح