بدون حفلات

  تزوجت زوجي بدون عرس وأنجبت بنتي بدون حفلة جنس مولود ولا مباركة وبنتي صارت 9 سنوات وما عملنا حفلات إلا مرة واحدة فقط لا غير (هدية من معلمات أمل في الروضة) وحفظنا 20 جزء الحمد لله وما عملنا إلا حفلة واحدة فقط لا غير في الداخل السوري عند إتمام 5 أجزاء

لما حصلت عالماجستير ما ضل حدا ما سمعني انو عيب عليك اعملي حفلة تخرج كل الناس بتعمل

جيبي وشاح التخرج وطرزي عليه اسمك بيطلع حلو بالصور

مع كثرة الزن قلت يلا هي مرة بالعمر يا بنت معلش افرحي وفرحي رفقاتك هذا كمان عبادة

تكاليف الصالة والمنشدات والضيافة بتنقذ عالأقل حياة 3 عوائل

الوشاح المطرز 60 دولار وهالمبلغ بسوريا بخلي عائلة كاملة تعيش لشهر

ضليت ليلة كاملة وأنا مترددة اعمل ولا ما اعمل

ثم انتصر العقل على هوى النفس وما عملت؛ وصنعت كما أصنع كل مرة

نعم ما عملت حفلة تخرج ولا طيرت الطاقية بالهوا ولا عملت كيكة 4 طوابق مكتوب عليها الخريجة رنا شحادات

ولا ضيفت علبة شوكلا عليها طاقية تخرج واسمي المصون

نعم ما عملت وفخورة جدا إني ما عملت الحمد لله ..

نحن مو محتاجين آلاف الدولارات لننبسط فينا نكون سعداء بدون ما نفقد احساسنا بمن يعيشون معنا في نفس الكوكب .

آسفة جدا كلامي بزعل كتير ناس والله مو قاصدة حدا ولا أضيق على الناس كل إنسان حر ...

بس بجد حطي حالك محل الآخر أنا عم موت وأخي عم يحتفل ويطق البوالين .... كم هذا مؤلم

رنا شحاذات