كافكا - الانمساخ

رواية مؤلمة.. كافكا بيقدم فيها معضلة ما بين بطل الرواية "غريغور" وبين عائلته.

القضية اللي طرحها كافكا في الرواية مافيهاش صح وغلط ومفيش جانب أحق من جانب؛ بل هي بقت معضلة حقيقية.

اللي هو من طرف، إن البطل متوقع من عائلته المساعدة، ليس من سبيل الشفقة بل الحب، توقع منهم التقبل لهيئته الجديدة (مسخ).

من الطرف التاني بقى، العائلة توضع في موقف حرج وجديد وغريب وجواهم أسئلة كتيرة أهمها:

هل هو ده غريغور الحقيقي؟ طيب ازاي هنتعامل معاه بهيئته دي واحنا أساساً خايفين منه بل وكمان هيئته الغريبة والمقيتة والمثيرة للاشمئزاز..

القصة ببساطة:
بيصحي بطل الرواية وبيلاقي نفسه اتحول لمسخ (هيئة صرصار) بدون أي مقدمات بيحطنا كافكا معاهم في قلب الرواية، ديون، فقر، ضياع أحلام، عبء، تضحيات..

الرواية فيها كمية معاناة وألم نفسي رهيب!

رواية عظيمة جداً جداً من الناحية النفسية والدرامية.